Mchezaji wa klabu ya Monaco ya nchini Ufaransa Mohamed Camara (24) amefungiwa kutocheza michezo minne (4) na ligi ya soka ya Ufaransa (LFP) mara baada ya kuficha ujumbe (nembo) inayosapoti masuala ya ushoga kwenye jezi yake katika mechi ya Ligue 1.

Wachezaji wa Monaco walikuwa na alama ya 'homophobie' (homophobia) na msalaba mwekundu kupitia kwenye jezi zao wakati wa mechi yao ya mwisho ya Ligue 1 msimu huu dhidi ya Nantes, lakini Camara alitumia mkanda mweupe kufunika alama yake katika shati.

Mchezaji huyo wa kimataifa wa Mali pia hakushiriki katika picha ya kabla ya mechi kati ya wachezaji wa Monaco na Nantes, ambao walisimama mbele ya bendera ya kuunga mkono siku ya kimataifa dhidi ya chuki ya watu wa jinsia moja, chuki ya watu wawili, kuogopa watu wengine, na kuchukia watu wengine.

.

Camara alifunga penalti katika ushindi wa 4-0 kwa Monaco, ambao walimaliza katika nafasi ya pili kwenye Ligue 1 msimu huu - pointi tisa nyuma ya mabingwa Paris Saint-Germain.

Siku ya Alhamisi, LFP ilithibitisha kwamba Camara atafungiwa kutocheza michezo minne.

Ligi hiyo imesesema katika taarifa yake: "Baada ya kusikia mchezaji Mohamed Camara, na kutambua kukataa kwake wakati wa mkutano kutekeleza hatua moja au zaidi ili kuongeza ufahamu wa vita dhidi ya ushoga, Tume iliamua kumsimamisha mechi nne."