Mamlaka za Ethiopia zimesema zimekuwa zikifanya msako katika hoteli, baa na maeneo ya burudani katika mji mkuu ambapo inadai vitendo vya mapenzi ya jinsia moja vinafanyika.

.

Ofisi ya Utawala wa Amani na Usalama ya Addis Ababa imesema ilikuwa ikichukua hatua "dhidi ya taasisi ambazo vitendo vya mapenzi ya jinsia moja vinatekelezwa".

.

Mamlaka ya jiji hilo ilisema hatua hiyo ilikuja baada ya taarifa kutoka kwa umma, na kusema kuwa tayari ilikuwa imevamia nyumba za wageni.

.

Imewataka wananchi kutoa taarifa kwa polisi kuhusu vitendo hivyo na kuongeza kuwa itaendelea na msako katika maeneo mengine.

.

Mapenzi ya jinsia moja ni marufuku nchini Ethiopia.